Unsa na kangkong?


Isinulat nina: Rondell Rey Cuerquis (translator), Micah Banatao, Josh Garcia, Thery Lorenzo, Chiqee Posadas, at Lyka Tesea


Unsa na kangkong o swamp cabbages?

Ipomoea aquatica o kangkong sa Bisaya kay usa ka semi-aquatic tropical nga tanom nga gipatubo isip utanon.[1, 3] Ang mga botanista dili sigurado kung aha gikan ang maong tanom, lagmit naggikan kinis sa eastern India paingon sa Southeast Asia.[4] Duha sa kasagarang mga ngalan niini sa Ingles mao ang “swamp cabbages” ug “water spinach” tungod kay kini kasagarang makitang gatubo sa kalapukan, mahugaw nga tubig, lanaw, lim-aw, ug bisan mga kanal.[5]

Gusto ba ka magpatubo sa imong kaugalingong “swamp cabbages”? 

Bisitahin mo ang aming tindahan: https://shp.ee/k68zvea

Maayong pagpananom, amigo!

Unsa ang mga benepisyo sa kahimsog ug nutrisyon ang makuha sa “swamp cabbage?”

Ang kangkong kay adunahan sa Vitamin A ug lutein, ug kining duha makatabang sa pagmintinar sa maayong panan-aw. Tungod sa kataas sa iyang dietary fiber, kini nga utanon makapamenos sa constipation ug makasiguro sa hustong paglihok sa tinai. Nakatabang usab kini sa pagpaubos sa lebel sa kolesterol, presyon sa dugo ug asukal sa dugo.[6] Sumala sa usa ka chemical composition study ni Igwenyi et al (2011), ang kangkong nadiskobrehan nga adunay taas nga lebel sa iron, magnesium, ug calcium, ingon man usab sa Vitamin B1 ug C, nga naghimo niini nga usa ka labing maayo nga sangkap sa masustansya nga mga pagkaon.[7] Dugang pa, kini usab adunay taas nga konsentrasyon sa polyphenols nga adunay antioxidant activity ug kasarangan nga anticancer activity .[5]

Kabalo ba ka nga ang paggamit sa “swamp cabbages” una nga nadokumento sa panahon sa Qin Dynasty?

OO, sakto ang imong nabasa! 

Ang kangkong kay ginagamit na sa Asian cuisine sulod sa liboan ka tuig ug gikonsiderar nga usa ka culinary staple. Makatubo kini og maayo sa basa nga yuta ilabina sa daplin sa mga agianan sa tubig sama sa mga lim-aw, lanaw, ug mga suba.[8] Sa maayong kahimtang, kini makaabot ug 2 hangtod 3 metros ang gitas-on nga adunay aberids nga pagtubo nga 10 cm kada adlaw.[8]

Sa laing makaiikag nga impormasyon, ang paghatag sa kangkong sa pinasidunggang nga mga bisita halos gidili sa pipila ka nasod sama sa Indonesia.Giisip kini nga ubos nga “klase” sa mga utanon, busa ang ubang mga klase sa utanon nalang ang ginakaon sa mga bisita.[9]

Sulayi ang pag-apil sa “swamp cabbages” sa imong inadlaw nga pagkaon! Adunay daghang mga putahe sa Pilipinas nga gagamit niini nga utanon sama sa adobong kangkong, sinigang, crispy kangkong, ug ginisang kangkong.

Unsaon ang pagpatubo sa “swamp cabbages?”

Ang kangkong/water cabbage mopabor sa labing menos 4 ka oras nga puno ug direkta nga pagkabulad sa adlaw (bisan tuod kini molambo gihapon sa partial nga landong), mao nga ang init ug umog nga mga kinaiya sa subtropikal ug tropikal nga mga klima maayo alang sa ilang pagtubo.

Sama sa gisugyot sa iyang ngalan, kini nga tanum nahigugma sa tubig, busa ang kanunay nga pagbisbis sa malapok nga yuta makasiguro nga ang mga gamot makakuha sa ilang gikinahanglan nga kadaghan sa tubig.

Posible usab nga motubo kini sa mga sudlanan nga adunay basa nga yuta, o bisan sa usa ka kolon nga puno sa tubig, apan timan-i nga ang mga sustansya niini kay dali ra mahurot.

Hangtud nga aduna pa’y labing menos 2 ka buko-buko sa dahon ug 3 ka pulgada nga pagtubo nga nahabilin human sa pagputol o pag-ani, ang tanum motubo pag-usab nga igo aron mabuhi alang sa laing hugna sa pag-ani human sa 2-3 ka semana.

Mga Sanggunian:

[1] Widnyana, I.K., Ngga, M., & Sapanca, P. L. Y. (2018). The effect of seed soaking with Rhizobacteria Pseudomonas alcaligenes on the growth of swamp cabbage. Journal of Physics: Conference Series. doi: 10.1088/1742-6596/953/1/012007 

[2] Kangkong (300 grams) [Online image]. (n.d.). Organics.ph. https://www.organics.ph/products/kangkong

[3] Lyons, G., Dean, G., Goebel, R., Taylor, M., & Kiata, R. (2017). Kangkong. Australian Centre for International Agricultural Research. https://www.adelaide.edu.au/directory/graham.lyons?dsn=directory.file;field=data;id=40381;m=view

[4] Shrestha, S. & Shrestha, Y. (2020). Kang kong: high nutritious summer leafy vegetable crop for mid-hills of Nepal. The Journal of Agriculture and Environment, 21

[5] Maung, A. T., Swe, K. H., Maw, A. A., & Aung, Y. L. (2020). Effects of supplementing water spinach to basal diet on growth performance and nutrients digestibility of broiler chickens. Journal of Livestock Science. doi. 10.33259/JLivestSci.2020.77-84

[6] Arnaldo, S. (2021, August 27). Benefits, recipes: Guide to common Filipino vegetables. Rappler. Retrieved December 2, 2021, from https://www.rappler.com/life-and-style/food-drinks/benefits-recipes-guide-filipino-vegetables/?fbclid=IwAR2ht4Qws0pxIosvou2Bbsu0WHIiJB87uq4XPjsSYZ4fBdF3uhclwIUsmDc. 

[7] Igwenyi, I., Offor, O., Obinna, A., & Aja, P. M. (2011, October). (PDF) Chemical composition of Ipomea Aquatica (Green Kangkong). ResearchGate. Retrieved December 2, 2021, from https://www.researchgate.net/publication/236335764_Chemical_Composition_of_Ipomea_aquatica_Green_kangkong. 

[8] Water spinach. Information, Recipes and Facts. (n.d.). Retrieved December 2, 2021, from https://specialtyproduce.com/produce/Water_Spinach_3132.php. 

[9] Ganie, S. (n.d.). Kangkung cuisine: Indonesia. Indonesia Travel Guide. Retrieved December 2, 2021, from https://indonesialogue.com/about-indonesia/kangkung-cuisine-indonesia.html. 

Ang unod niini nga mga pahibalo/pahimangno alang sa katuyoan sa edukasyon apan dili usa ka puli/hulip sa propesyonal nga pahimangno mahitungod sa pagpanambal. Palihug pag konsulta sa inyong doktor ug uban pang kwalipikado nga mga propesyonal bahin sa mga pangutana mahitungod sa kasamtangang medikal nga kahimtang/kondisyon. Ayaw ibaliwala ang propesyonal nga pahimangno mahitungod sa pagpanambal o paglangan sa pagkuha niini tungod sa imong nabasa dinhi nga pahina o website.


Leave a Comment

Your email address will not be published.